Күндү ааҕааччыларбыт, эһиги иннигитигэр Саха Өрөспүүбүлүкэтин уонна Россия Ийэлэрин күннэригэр аналлаах кинигэ быыстапката.
Бу быыстапкаҕа бастакытынан туран киирдэ Саха сирин улуу дьахталларын туһунан 5 томнаах “Айыы далбар хотуна” диэн серия. Манна кэпсэнэр урукку кэмҥэ олорон ааспыт, ырыаҕа ылламмыт, хоһоҥҥо холбоспут үтүө – мааны саха хотуттарын, кинилэр удьуордарын, үрдүк таһымнарынан, билиилэринэн билиниини ылбыт саха чаҕылхай дьахталларын туһунан. Салгыы ийэлэргэ анаммыт хоһооннордоох, ийэлэр тустарынан остуоруйалардаах кинигэлэр. Бүтүн аан дойду уһулуччуулаах дьахталларын туһунан, оҕо иитиитигэр көмөлөһөр психология киниигэлэрэ уонна олус учугэй “Кыыс куо-Далбар хотун энциклопедията”. Бу кинигэҕэ дьиэ кэргэҥҥэ, оҕону иитигэ, доруобуйаны көрүнүүгэ, үүнүүгэ-сайдыыга, үлэҕэ-хамнаска, дьиэҕэ-уокка, дьону кытта сыһыаҥҥа туһалаах сүбэлэр, рецептар, маастар кылаастар уонна да атын туһалаах матерал түмүллэн киирбиттэр. Онон көрүҥ, сэргээн, кэлэҥҥит уларсын. Бэйэҕитигэр туһалааҕы булуоххут диэн эрэнэбит.
Комментариев нет:
Отправить комментарий